Lindur dhe kryer studimet në Tiranë. Pas diplomimit në Universitetin e Tiranës, Fakulteti i Gjuhëve të Huaja për Gjermanistikë, si „Përkthyese/Interprete e Gjuhës Gjermane“ vazhdoi më tej studimet për Master Shkencor në Përkthim/ Interpretim të Gjuhës Gjermane.

Ka ndjekur studimet doktorale në fushën e gjuhësisë, nënfushë komunikimi ndërkulturor me temë “Emocionaliteti në komunikimin verbal nëpërmjet shprehjeve frazeologjike në gjuhën shqipe dhe gjermane”.

Që prej 2016 ushtron profesionin edhe si pedagoge e jashtme pranë Universitetit të Tiranës, Fakulteti i Gjuhëve të Huaja, Departamenti Gjermanistikës.

Ka botuar artikuj në revista shkencore dhe ka mbajtur referate në konferenca mbi çështje të gjuhësisë brenda dhe jashtë vendit.

Dëshira e madhe për të dhënë mësim, e nxiti të merrte një hap sa të bukur aq dhe me shumë përgjegjësi. Themeloi Qendrën e Studimit Schritte, për zhvillimin e kurseve të gjuhës gjermane, duke bërë diferencën nga të tjerët me programet e reja metodike dhe didaktike.

Krahas Kurseve nga Niveli A1 deri në C2, ofron kurse profesionale të terminologjisë mjekësore, juridike dhe biznesit.

Që prej vitit 2011 është anëtare e shoqatës së mësuesve të gjuhës gjermane në Shqipëri.

Në vitet 2017 – 2018 ka qenë Vlerësuese dhe pjesë e komisionit vlerësues të gjuhës gjermane, për nivelet e avancuara B1-C1, pranë Institutit ÖSD (Diploma e gjuhës austriake).

Çdo vit merr pjesë në seminare, workshop-e të organizuara në vendet gjermanishtfolëse, në kuadër të rritjes profesionale si dhe të përditësimit të metodave didaktike, të cilat përdoren sot në mësimdhënie.